İstedadlı gənc xanım ifaçı Çinarə Məlikzadə sosial şəbəkə hesabından məşhur türk futbolçu Erkan Zenginlə birgə çəkilmiş fotosunu paylaşıb.
Sherg.az Milli.Az-a istinadla xəbər verir ki, müğənni Türkiyədə görüşdüyü futbolçu ilə fotosuna "Erkan Zenginle maç keyfi" şərhini yazıb.
Müğənni ilə futbolçunun fotosu onların sevgili olması ilə bağlı iddialara yol açıb.
Xatırladaq ki, müğənni Çinarə Məlikzadə aktyor Əlibəy Məmmədli ilə ailəli olub. Evlilik müddətləri bir il çəkməyən cütlüyün bu nikahdan övladı yoxdur.
Qeyd edək ki, bir vaxtlar İsveç millisinin də şərəfini qoruyan istedadlı yarımmüdafiəçi Erkan Zengin hazırda karyerasını Superliqa təmsilçisi "Eskişehir"də davam etdirir.
