"Orta məktəblərdə hərbi dərslər həm oğlanlar, həm də qızlar üçün eyni səviyyədə keçirilməlidir”.
Bunu Sherg.az-a orta məktəblərdə hərbi dərslərin keçirilməməsi haqqında danışarkən millət vəkili Elman Məmmədov deyib. O bildirib ki, yuxarı siniflərdə hərbi hazırlıq dərslərinin keçirilməsi, gənclərin ilkin hərbi hazırlığı üçün çox vacibdir:
"Çünki biz müharibə vəziyyətində yaşayan dövlətin vətəndaşlarıyıq. Bu proses orta təhsil müəssisələrindən başlanmalıdır. Düzdür, həm orta ixtisas təmayüllü, həm də ali hərbi təhsil mərkəzlərimiz var. Amma bu müəssisələrə, həm də orduya hazırlıq üçün ilkin mərhələ orta məktəbdən başlamalıdır. Orta məktəbdə o dərsləri bəzən sadə fiziki hazırlıqlarla yola verirlər. Bu, düzgün addım deyil. Hərbi hazırlığı heç bir fəaliyyətlə əvəz etmək olmaz. Bu məsuliyyətsizlik və laqeydlik gənclərin hərbiyə hazırlanmasında əngəldir. Çalışmalıyıq ki, hərbiyə yola düşən gənclərimizin bu haqda ilkin məlumatları, bacarığı və ibtidai hərbi hazırlığı yaxşı olsun”.
Aysel Aslan
