Eyfel qülləsi gülləkeçirməz divarla əhatə olunacaq. AZƏRTAC Anadolu agentliyinə istinadla xəbər verir ki, bu barədə Eyfel Qülləsi Əməliyyat Şirkəti idarə heyətinin rəhbəri Bernard Gaudillere məlumat verib.
2,5 metr hündürlüyündə olacaq divar 20 milyon avroya başa gələcək. Divarın çəkilməsində məqsəd terror hücumlarının qarşısını almaqdır. Təhlükəsizlik tədbirləri üçün bundan sonra qülləyə giriş yalnız bir yerdən olacaq.
