"Azərbaycan Fransanın "France 2" telekanalını böhtan xarakterli reportaj yayınladığı üçün məhkəməyə verib".
"Sherg.az" "Lemonde.fr"ə istinadən xəbər verir ki, rəsmi Bakı bu televiziyanın xanım prezidenti Delfin Ernot və onunla işbirliyində şübhəli bilinən jurnalist Elis Luseninin dindilməsini tələb edir.
Bundan başqa Azərbaycan tərəfi Ali Audiovizual Şuradan "France 2" kanalına sanksiyaların tətbiq olunmasını istəyib.
Buna səbəb isə sözügedən teleməkanda Azərbaycan mətbuatında söz, ifadə, fikir azadlıqları ilə bağlı "Sərhədsiz Reportyorlar"ın hesabatına uyğun reportajın yer alması olub.
Azərbaycanın diktatorial ölkə kimi təqdim olunduğu reportajda Azərbaycan mediasının söz azadlığına görə,180 ölkə içərisində 162 -ci yeri tutduğu qeyd olunur. 16 jurnalist və bir neçə bloqerin həbs onunduğu diqqətə çatdırılır. Bundan başqa reportajda Azərbaycan Prezidenti cənab İlham Əliyev despot və diktator bir ölkə başçısı kimi təqdim edilir. Məhz bu məsələlərə görə, Azərbaycan tərəfi haqlı olaraq adıçəkilən telekanalla bağlı aidiyyatı qurumlara şikayət edib.
Qeyd edək ki, "France 2" kanalı 2015-ci ilin 7 sentyabrında da "Sərhədsiz Reportyorlar" ın qərəzli hesabatı əsasında bu xarakterli reportaj hazırlayıb.
Tərcümə etdi : Ayyət ƏHMƏD
