Ağcabədidə qanlı olay baş verib.
Lent.az-ın məlumatına görə, hadisə gecə saatlarında rayonun Taxtakörpü kəndində qeydə alınıb.
Kənd sakini, 1974-cü il təvəllüdlü Rafiq Əliyev qısqanclıq zəminində arvadı, 1980-ci il təvəllüdlü Tahirə Əliyeva ilə mübahisə edib. Qısqanc ər cibində gəzdirdiyi bıçaqla arvadına çoxsaylı zərbələr vurub. Daha sonra hadisə yerindən qaçıb.
Yaralı qonşular tərəfindən xəstəxanaya çatdırılıb. Qadının həyatını xilas etmək mümkün olub.
Faktla bağlı Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb.
