Ərzurum- Erzincan yolunda 300 metr fərqli məsafədə yolun sağ və sol kənarında 2 ayı leşi göründü.
Bir müddət yol kənarında gözləyən sürücülər, ayıların ölü olduğuna əmin olduqdan sonra maşınlarından enərək leşlərə yaxınlaşdı. Ayılardan birinin dörd ayaq pəncəsinin kəsilərək aparıldığı, digərinin isə üzərinin torpaqla bağlanılması diqqət çəkdi. Ayıları görənlərdən Dəniz Dəmir bunları söylədi: "Ərzurumdan Aşkaleyə gedərkən yolun kənarında bir ayı gördük. Dayanıb bir müddət baxdıqdan sonra ölü olduğuna əmin olduqdan sonra yanına getdik. Ayının öldüyünə kədərlənərkən, ayaqlarının kəsilib aparıldığını görüncə şok olduq. Bir müddət irəlilədikdən sonra başqa bir ölü ayı da gördük. Onun da üzəri torpaqla örtülmüşdü. Səlahiyyətlilərin, ayıların ölüm səbəbini və ayaqlarını kəsib aparanları taparaq ədalətə təslim etməsini istəyirik” dedi. Yoldan keçənlərin bəziləri ölü ayılarla "selfie” çəkdirdi. Jandarma, ayıların yoldan keçərkən maşın vurmasından öldüklərini təxmin edərək, hadisə ilə əlaqədar istintaqa başladı.
