"Dövlət başçısının rəhbərliyi ilə ölkəmizdə güclü iqtisadiyyat formalaşıb”. Bu sözləri "Sherg.az”a açıqlamasında millət vəkili Azər Badamov deyib.
Deputat bildirib ki, iqtisadiyyatımızın güclənməsinin kökündə, aparılan davamlı islahatlar və qeyri-neft sektorun inkişaf etdirilməsi dayanır:
"Əldə olunmuş iqtisadi uğurlar ölkə vətəndaşının rifahının yaxşılaşmasına yönəldilib. 2018-ci ilin aprelində Cənab İlham Əliyev xalqın böyük səs çoxluğu ilə yenidən prezident seçiləndən sonra bu islahatlar daha da dərinləşib, əldə olunan iqtisadi uğurlar sosial sahəyə daha çox istiqamətləndirilib. Yenidən prezident seçilən ölkə başçısının, birinci vitse-prezident Mehriban xanım Əliyeva ilə bir yerdə ilk görüşü vətən müdafiəsi uğrunda şəhid olmuş şəxslərin ailə üzvüləri ilə oldu. Görüşdə ölkə başçısı şəhid ailələrini narahat edən məslələri onların öz dilindən dinləyərək 12000-dən çox şəhid vərəsinin hər birinə 11.000, cəmi 135 milyon manat vəsaitin ödənilməsi ilə bağlı sərəncam imzaladı”.
Millət vəkili qeyd edib ki, 2019-cu ildə sosial sahədə aparılan islahatların dərinləşməsinə başlanıldı:
"Cari ilin I rübündə fiziki şəxslərin problemli kreditlərinin həlli ilə bağlı, minimum əmək haqlarının və pensiyalarının, sosial müavinətlərin, prezident təqaüdlərinin, tələbələrə verilən təqaüdlərin, şəhid ailələrinə, müharibə veteranlara verilən müavinətin sosial ödənişlərin həcminin artırılması ilə əlaqdar fərman və sərəncamlar imzalandı. Təkcə bu sosial paketə daxil olan artımların ödənilməsinə 3 milyondan çox insanı ehatə etməklə dövlət büdcəsindən 2,5 milyard manatdan çox vəsait ödənilməsinə tapşırıq verildi. Həm də Qarabağ müharibəsi əlillərinə mənzil və avtomobillərin , şəhid ailələrinə mənzillərin verilməsi, qaçqınlara evlərin tikilməsi və kommunal xərclərin dövlət tərəfindən qarşılanması ilə bağlı məsələlər təbii ki, bu kateqoriyadan olan şəxslərə dövlət qayğısı deməkdir.
Ölkəmizdə yaranmış güclü iqtisadi əsaslar sosial sahənin yaxşılaşmasına töhfə verir. Bütün bunlar onu deməyə imkan verir ki, Azərbaycan dövlət siyasətinin təməlində vətəndaşın sosial rifahının yaxşılaşması dayanır”.
Yeganə Bayramova
