Xaçmazın Arzu kəndindəki orta məktəbdə 62 yaşlı məktəb direktorunun 6-ci sinif şagirdini otağına çağıraraq öpməsinə dair məsələdən Təhsil Nazirliyinin məlumatı var.
Bu barədə "Sherg.az"a qurumun sözçüsü Cəsarət Valehov bildirib. Onun sözlərinə görə, hadisənin detalları araşdırılır:
" Araşdırmalar başa çatdıqdan sonra nəticələr mətbuata açıqlanacaq".
Qeyd edək ki, "Sherg.az"ın İstiPress-in Şimal bürosunun əldə etdiyi məlumata görə, insident Xaçmazın Arzu kəndindəki orta məktəbdə yaşanıb.
İddiaya görə, məktəbin direktoru 62 yaşlı Gülfəz Alxasov məktəblilərdən birinə qarşı seksual xarakterli hərəkət edib. Kənd sakinlərindən aldığımız məlumata görə, oktyabrın 31 də direktor G.Alxasov 6-cı sinifdə oxuyan qızlardan birini kabinetinə çağırıb və onun dodağından öpüb. Bu hadisəni isə həmin an direktordan icazə almaq üçün onun kabinetinə gələn qadın işçilərdən biri görüb.
Adı açıqlanmayan məktəbli qız bu hadisəni anasına danışıb. Kənddə xəbər yayılandan sonra hiddətlənmiş valideynlər məktəbin qarşısına yığışaraq direktora etiraz ediblər. Əldə etdiyimiz məlumata görə, qadınlar bu gün də məktəbə yığışıb və direktorun işdən getməsini tələb ediblər.
Ayyət ƏHMƏD
