"Dövlət əmlakının özəlləşdirilməsi haqqında” qanunun 6.2-ci (Azərbaycan Respublikasının dövlət mülkiyyətində saxlanılan bəzi əmlak növlərinin özəlləşdirilməsi qadağandır) maddəsinə yeni bənd əlavə edilməsinə, millət vəkili Qüdrət Həsənquliyev qarşı çıxıb.
"Sherg.az"-ın xəbərinə görə, deputat dünya praktikasından danışaraq deyib ki, hazırda elmi tədqiqatlar həm də universitetlərdə aparılır:
"Dəfələrlə universitetlərin özəlləşdirilməsi ilə bağlı məsələ qaldırdıq. Amma hələ ki bu həll edilməyib. Dövlətə məxsus universitetlər, səhiyyə müəssisələrini özəlləşdirmək lazımdır.
Hesab edirəm ki, "Dövlət əmlakının özəlləşdirilməsi haqqında” qanuna qmumiyyətlə yenidən baxılmalıdır: "Bu gün oxudum ki, Dövlət Əmlak Komitəsi bu gün 150-yə qədər dövlət əmlakını özəlləşdirməyə çıxarır. Amma hərrac keçiriləndən sonra görürük ki, onun cüzi hissəsi özəlləşdirilib. Qiymətlər çox yuxarı qoyulur.
5 dəfə hərrac keçiriləndən sonra cəmi 50 faiz qiymət aşağı salınmasına icazə verilir. Əgər əmlak birinci dəfə hərracda satılmadısa, növbəti hərracda qiymətin kifayət qədər aşağı salınmasına ehtiyac var. Dövlət əmlakının özəlləşdirilməsi mexanizmi sadələşdirilməlidir”.
Anar
