Müğənni Günay İbrahimlinin "Rəqibim yoxdur” sözü qalmaqala səbəb olub.
İfaçılar "Xəzər maqazin”ə açıqlamasında sənətçinin bu ifadəsini qınayıblar.
Gülay Zeynallı:
"Şövkət Ələkbərova, Zeynəb Xanlarova özünə nə ad qoysun? Elə ifaçı yoxdur ki, ona qulaq asanda ağzım açıq qalsın. Heç vaxt düşünmürəm ki, kimsə mənə rəqibdir, ya yox”.
Elçin Cəfərov:
"Bir-birinə rəqib olanlar var. Heç kimdə başqasının adını çəkmir. Deyərdim ki, sakit dursun. İşləyən müğənnilər arasında mən də varam. Bəlkə kiməsə mən də rəqibəm”.
Lətifə Soyuöz:
"16 yaşımdan filarmoniyanın səhnəsindəyəm. Fidan və Xuraman Qasımova bacıları ilə səhnə bölüşmüşəm. Mən belə deyə bilmirəm ki, rəqibim yoxdur. Tək Günay yox, çoxları deyir ki, Azərbaycan kanalına baxmıram, rəqibim yoxdur. Yoxdursa, getsin Türkiyədə çalışsın. Rok janrında ikinci bir xanım ifaçı yoxdur, ona görə rəqibsizəm”.
Ramal İsrafilov:
"Burada rəqibim yoxdur, hamısı xaricdədir. Burada hamı eynidir, mahnılarda bənzərdir. Mənim rəqibim Castin Biberdir. İlhamə xanım demişkən, özün özünü tərifləməsən, heç kim səni tərifləməz. Mən ulduzam”.
Əbdül Xalid:
"Mənim o mənada rəqibim yoxdur ki, səsim gələndə fikirləşmirlər bu kimdir?”.
Nurlan Növrəsli:
"Hər bir insanın rəqibi var. Heç kim əlçatmaz deyil. Gərək sən o qədər fərqli vokolçı olasan ki, sənə rəqib olmaya. Hər aşiqin öz dövranı var”.
Əhməd Mustafayev:
"Özünə quru-quru "ulduzam” demək olmaz. Ona əməl etməlisən. Özünə rəqib görməlisən, yoxsa yerində qalacaqsan”.
