Ağır parkinson xəstəliyindən əziyyət çəkən tanınmış şair Musa Yaqub öz şerlərini deməkdə belə çətinlik çəkir.
"Xəzər TV" xəbər verir ki, 82 yaşında olan şair hazırda anadan olduğu İsmayıllı rayonunun Buynuz kəndində yaşayır. Hər gün onu sevən dostları, həmyerliləri evinə gələrək Musa Yaqubu ziyarət edir, səhhəti ilə maraqlanırlar.
Onu ziyarətə gələnlər albomlardakı şəkillərə baxır, köhnə xatirələri yada salırlar. Musa Yaqub hər kəsə xoşbəxtlik arzu edərək insanları bir-birinə dəyər verməyə çağırır.
Yazıçılar İttifaqının üzvü olan Musa Yaqub bir sıra qəzetlərdə redaktor vəzifəsində də çalışıb. Geniş ictimai fəaliyyətlə məşğul olan şair 1995-ci ildən 2000-ci ilədək Milli Məclisin deputatı olub.
