"Müasir dövrün tələblərinə uyğun olaraq məmurlar və rəsmilər sosial şəbəkələrdən aktiv istifadə etməlidirlər".
Sherg.az-ın xəbərinə görə, bu sözləri parlamentin payız sessiyasının ilk iclasında deputat Zahid Oruc deyib. Oməmurları sosial şəbəkələrdən istifadəyə səsləyib:
"Bu gün "Youtube” kanalını izləyənlərin sayı milyardı keçib. Ona görə də Azərbaycan dövləti sosial mediada öz təbliğatını qurmalıdır. Əgər İran dövlətinin rəhbərlərinin "Facebook”, "Tvitter”də hesabı varsa, deməli, bu məsələlərə həssas yanaşmaq lazımdır.
Z.Oruc həmçinin deputatları Azərbaycana qarşı kampaniyalara cavab verməyə çağırıb:
"Azərbaycana qarşı təbliğat aparan Fəxrəddin Abbaszadənin Rusiyada həbs olunması təqdirəlayiqdir. Həmin şəxslərin cəzalandırılması digərləri üçün də dərs olar”.
Deputat həmçinin xarici valyutada götürülən kreditlər məsələsinin Milli Məclisdə ciddi müzakirəsini istəyib.
Spiker Oqtay Əsədov deputatın bu çağırışına cavab verib: "Hər şeyi parlament etməli deyil. Unutmayın ki, Nazirlər Kabineti də var”.
Anar
