Ermənistanın Baş naziri Nikol Paşinyan rusiyalı həmkarı Dmitri Medvedyevi evində qəbul edib.
Axar.az xəbər verir ki, Paşinyan Medvedyevi qəbul etdiyi üçün məmnunluğunu bildirib.
"Ötən il İrəvanda baş verən məlum hadisələrdən sonra sizin Ermənistana birinci səfərinizdir. Hesab edirəm ki, ona görə bu səfəriniz xüsusi önəm daşıyır”, - Paşinyan deyib.
O həmçinin qeyd edib ki, öz evində ancaq "qiymətli qonaqları” qəbul edir:
"Hazırda iki ölkə arasındakı münasibətlərdə ən vacib andır. Əminəm ki, bizim münasibətlərimiz yeni səviyyəyə çıxacaq”.
Qeyd edək ki, Medvedyev 30 apreldə İrəvanda keçirilən Avrasiya İttifaqı Hökumətlərarası Şurasının iclasında iştirak etmək üçün bu ölkəyə səfər edib.
