Ölkə başçısı İlham Əliyev qaçqın və məcburi köçkünlərin mənzil-məişət problemlərinin həlli istiqamətində mühüm addımlar atır. Təsadüfi deyil ki, bu günə qədər 290 minədək köçkün yeni mənzillə təmin edilib. Bu il isə dövlət tərfindən 5800 məburi köçkün ailəsinə yeni ev verilib.
Dövlətin qaçqın və məcburi köçkünlərə göstərdiyi diqqət hər zaman ictimaiyyət nümayəndələri tərəfindən də yüksək dəyərləndirilib.
"Səs” qəzetinin baş redaktoru Bəhruz Quliyev "Sherg.az”a açıqlamasında bildirib ki, qaçqın və məburi köçkünlərin hər bir ehtiyacı dövlətin diqqət mərkəzindədir və bu sahədə cənab Prezident böyük işlər görür:
"Ermənistanın Azərbaycana qarşı torpaq iddiası və etnik təmizləmə siyasətinin nəticəsi olaraq bu gün torpaqlarımız işğal olunub və minlərlə məcburi köçkünlərimiz var. Məcburi köçkünlərin təminatı ilə bağlı dövlət müxtəlif layihələri həyata keçirir. Hər zaman qaçqınlarımız ölkə başçısı tərəfindən həm maddi, həm mənəvi dəstək görüblər. Köçkünlərin mənzil şəraiti ilə bağlı dövlətin həyata keçirdiyi kompleks proqramlar var. Onların həm mənzil-məişət şəraitinin yaxşılaşdırılması, həm digər xərcləri dövlət tərəfindən güzəştli şəkildə həyata keçirilir”.
B.Quliyev bildirib ki, son dövrlər cənab Prezidentin ardıcıl olaraq həyata keçirdiyi sosial siyasətin əsasını qaçqın və məcburi köçkünlərimizin məişət şəraitinin yaxşılaşdırılması təşkil edir:
"Təsadüfi deyil ki, köçkünlər üçün tikilən komplekdə yalnız mənzillər deyil, məktəblər, bağçalar da var. Hətta mənzillərdə mətbəx avadanlıqlarına qədər bütün şərait yaradılıb. Prezidentin apardığı sosial siyasətin məqsədində vətəndaşa xidmət amili dayanır. Bu siyasət təkcə bu gün deyil, 15 ildir ki, davam edir. Aparılan təhlillər və müqayisələr göstərir ki, prezidentimiz siyasətini hər zaman davam etdirəcək. Sözsüz ki, torpaqlarımız da geri alınacaq. Çünki ölkə başçısının apardığı ordu quruculuğu siyasəti və diplomatik danışıqlar prosesi göstərir ki, Azərbaycan istəyinə nail olacaq. Torpaqlarımızı alsaq belə, yenə də vətəndaş amili dövlətin sosial siyasətinin əsasını təşkil edəcək”.
Yeganə Bayramova
