"Putinin Bakı səfərinin nəticəsi olaraq Dağlıq Qarabağ münaqişəsi ilə bağlı yeni bir müsbət məqamlar gözləyirəm. O mənada ki, Ermənistanın baş naziri Nikol Paşinyan Rusiyanı çətin vəziyyətdə qoyub, eyni zamanda Ermənistanı da çıxmaza salıb".
Bunu "Sherg.az"a politoloq Cümşüd Nuriyev Rusiya Prezidenti Vladimir Putinin Bakı səfərini şərh edərkən bildirib. O qeyd edib ki, bütün bunlara rəğmən Azərbaycan hələ də beynəlxalq təşkilatlara Paşinyanın hərəkətlərini daha yaxşı müşahidə etmələri üçün i zaman verir:
"Azərbaycan istəyir ki, beynəlxalq istitutlar Paşinyanla Koçaryan və Sarkisyan arasında hər hansı bir fərqin olmadığına əmin olsunlar. Erməni elə ermənidir. onların işğalçılıq siyasəti və xisləti dəyişmir. Bu mənada düşünürəm ki, Putinin son səfərinin Qarabağ məsələsində bir effekti olacaq. Buna inanıram. Hər halda yəqin ki, müəyyən məsələlərlə bağlı detallar razılaşdırılacaq. Ermənistan isə təkcə hərbi cəhətdən deyil, siyasi və informasiya cəhətdən də Azərbaycana uduzur. Baxın, əvvəllər Rusiya telekanalları Ermənistanla bağlı tənqidi verilişlər hazırlamırdılar. Amma son zamnlar şimal qonşumuzun aparıcı kanalları daha çox Ermənistanın mövqeyini tənqid edir və Paşinyanın Moskvaya qarşı nankorluğunu açıq mətnlə qeyd edirlər. Bunların hamısı Azərbaycan-Rusiya münasibətlərinin yeni çalarlarıdır. Putinin ölkəmizə səfəri bunu bir daha təsdiq etdi".
Qeyd edək ki, dünən Rusiya prezidenti Vladimir Putin Azərbaycana işgüzar səfərə gəlib.
Ayyət Əhməd
