Rusiya prezidenti Vladimir Putinin kiçik qızı Katerina Tixonova illər sonra kameraların qarşısına çıxıb.
“Ölkə.az” xəbər verir ki, bu barədə "Washington Post" məlumat yayıb. Qəzetin yazdığına görə, 34 yaşlı Tixonova nüfuzlu biznes konfranlarından olan Sankt-Peterburq Beynəlxalq İqtisadi Forumunda çıxış edib. O, cümə günü keçirilən forumda 6 dəqiqə çıxış edərək irəliləyən texnologiyaya investisiya yatırılması gərəkdiyini vurğulayıb.
Qeyd edək ki, Putin ailəsi ilə bağlı məlumatları gizli saxlamağa üstünlük verir. Rus lider bu vaxta qədər mətbuata iki qızı olmasından başqa açıqlama verməyib.
Rusiya istehsalı “Sputnik V” haqqında ilk dəfə danışan Putin qızlarından birinin peyvənd olunduğunu desə də, hansı qızı olduğunu açıqlamamışdı.
