Rusiyanın ən güclü müxalif lideri Boris Nemtsovu iki il əvvəl öldürən qatillər, bu gün yenidən məhkəməyə çıxdı.
Sui-qəsddən məhkum olan çeçen əslli qatillər Temirlan Eskerhanov, Şadid Gubaşev, Anzor Gubaşev, Zaur Dadayev və Hamzat Bahayev obyektivlərə gülərək poza verdi.
Hərbi məhkəmədə hakimin qərarını dinləyən beş adın qan donduran şəkillərini, beynəlxalq agentliyi Reuters yaydı. Türk mediası xəbər verir ki, daha əvvəlki prosesdə prokurorluq Nemtsovu öldürmək üçün şübhəlilərin 240 min dollar pul aldığını ifadə etmişdi.
Nemtsovun ailəsi isə, cinayət əmrini kimin verdiyinin heç bir zaman tapılmamasından qorxduğunu açıqlamışdı.
Rusiya lideri Vladimir Putinə ən sərt tənqidləri dilə gətirən Nemtsov, paytaxt Moskvadakı Kremlin Sarayının qarşısında yerləşən körpüdə vurulmuşdu. Ağ bir avtomobillə restorandan çıxan siyasətçiyə yaxınlaşan təcavüzkarlar, dörd dəfə atəş açaraq Nemtsovu öldürmüşdü.
Nemtsov, öldürülmədən iki həftə əvvəl Sobesednik internet saytına verdiyi bildirişdə "Putin məni vura bilər. Onun Ukrayna müharibəsini başladanlardan biri olduğuna inanıram. Onu heç bəyənmirəm" demişdi. Sui-qəsdi qınayan Putin isə, cinayəti sifarişlli qatillərin təxribatı olaraq bildirmişdi.
İslahatçı fikirləriylə tanınan rus siyasətçi, Ukraynadakı müharibəyə qarşı idi.
Müxalif siyasətçi, 1990-cı illərdə Rusiya Dövlət başçısı Boris Yeltsinin hökumətində baş nazir köməkçisi olaraq vəzifə yerinə yetirmişdi.
31 dekabr 2010-cu il tarixində hökumət əleyhinə etiraza qatılan Nemtsov, nəzarətə alınaraq 15 gün həbsdə saxlanmışdı.
Turan
