Anası Antaliyada hündürlükdən yıxılaraq boyunu sınan qızının dişlərini qıraraq həyata qaytardı. Antaliyanın Kəmər qəsəbəsində yaşanan hadisə ingilis mediasında böyük əks-səda doğurub.
Fırat Ölçər ilə evli olan ingilis Adele Ölçər, bir qəzada boyunu qırılan qızının həyatını möcüzəvi bir şəkildə qurtardı. İngilis "Daily Mail” qəzetinin xəbərinə görə, Adele Ölçər (41), yıxılaraq boyunu qırılan beş yaşlı qızının nəfəssiz qaldığını görüb dərhal onu ilkyardım vəziyyətinə gətirib. O, hadisədən dərhal sonra, şüurunu itirmiş uşağının dişlərini qırıb. Ölçər, balaca qızının nəfəs almasına maneə törədən dilini çölə çıxarıb, boğazını təmizləyərək təkrar nəfəs almasını təmin edib. Həkimlər, Türkiyədə üç həftə xəstəxanada qalan uşağın iflic qala biləcəyini söyləyib.
Başlarına gələn qorxunc hadisəni nəql edən Ölçər, "Əvvəl elə bildim ölüb. Onu üzüstə çevirəndə gözləri açıq idi. Nəfəs almırdı və çənəsi kilidlənmişdi” deyir. Türkiyəyə tətilə gəlməmişdən əvvəl bir həftə ilkyardım təhsili aldığını bildirən Ölçər, "Sanıram ki, səbirli davranmağımın səbəbi bu oldu” deyə sözlərinə əlavə edib. Balaca Zaranın qəzada boyunu və kəlləsi ilə yanaşı qolları da iki yerdən sınıb. Xəbərdə, Türkiyədəki ilk müalicədən sonra İngiltərəyə aparılan Zaranın dörd ay boyunluq taxdığı və 2015-ci ilə kimi məktəbə gedə bilmədiyi ifadə edildi. Adele Ölçər, 2015-ci ilin dekabrında qızının tamamilə yaxşılaşdığını və normal həyatına döndüyünü” söyləyib.
