Rusiyanın, 1867-ci ildə çar 2-ci Aleksandır tərəfindən 7 milyon 200 min dollara ABŞ-a satdığı Alyaskaya yenidən göz tikdiyi ortaya çıxdı.
ABŞ-da yaşayan və rus əslli bir ailədən gələn hüquqşünas Konstantin Şuqayev, Amerika arxivlərində Alyaskanın satış razılaşmasının qanuna uyğun edilmədiyini sübut edərək, 2017-ci ildə Putinə yaxşı bir hədiyyə hazırlamaq istəyir.
Alyaska hekayəsinin 1 aprel zarafatı olmadığını yazan Rusiyadakı "Gazeta" qəzeti, "Rus əsilli ABŞ vətəndaşı Şuqayevin ‘Garett, Paterson və Shugaev' adında bir hüquq xidmətləri şirkəti var. Bu şirkətin hüquqşünasları köhnə arxivləri araşdıraraq Alyaskanın satışında qanunsuzluq olduğunu sübut etmək istəyir. Tarixi sənədlərə görə, rus çarının satışı reallaşdırdığı gün, ABŞ Nümayəndələr Məclisinin də səlahiyyətlərinin sona çatdığı gün imiş. Nümayəndələr Məclisi həmin gün toplaşaraq iki ölkə arasında torpaq alverini təsdiqləmiş. ABŞ qanunlarına görə isə, Nümayəndələr Məclisi yanında Senatın da təsdiqi lazımdır. Məhz bu hüquqi boşluqları ortaya çıxarmağı planlaşdıran Şuqayev, Alyaskanın ABŞ-a keçişinin 150-ci ildönümündə Rusiya lideri Vladimir Putinə Krımdan sonra Alyaska hədiyyəsi hazırlamaq istəyir" şərhini verib.(Milliyet)
Kreml sarayının ABŞ-da Alyaska ilə bağlı hər hansı bir araşdırma aparıldığının məlum olmadığını vurğulayan qəzet, "Ancaq bu işin Rusiya tərəfindən gizlicə icra edildiyi ortadadır. Şuqayev hüquq şirkətinin ABŞ-da Alyaska satış sənədlərini araşdırması üçün Rusiya hökumətinin arxasında dayandığı ‘21-ci Əsr və Dünya' fondu tərəfindən maliyyələşdirildiyi bildirilir.
