"Cənab Prezidentin şəhid ailələrinə göstərdiyi diqqətdən razıyıq”.
Bunu "Sherg.az"a Qazax rayonundan olan şəhid Məmmədov Adil Əhməd oğlunun atası Məmmədov Əhməd Həmzə oğlu bildirib.
Şəhid vərəsələri üçün nəzərdə tutulan birdəfəlik 11 min manatı aldığını deyən Ə.Məmmədov qeyd edib ki, ölkə başçısının şəhid ailələrinə qayğısı, diqqəti böyükdür:
"Prezident İlham Əliyevə bu addımı üçün təşşəkkür edirəm. Çox sağ olsun. Biz də 11 min manatlıq ödəməni aldıq. Bu ödəniş bizim maddi imkanımıza müsbət təsir göstərdi. Buna görə öz adımdan eyni zamanda ailəm adında ölkə başçısına minnətdaram. Allah cənab Prezidentə və ailə üzvlərinə uzun ömür nəsib etsin”.
Qeyd edək ki, Azərbaycan Respublikasının ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların ailə üzvlərinin sosial müdafiəsinin yaxşılaşdırılması ilə bağlı əlavə tədbirlər haqqında” Azərbaycan Respublikası Prezidentinin 2018-ci il 19 aprel tarixli Fərmanına əsasən 1997-ci il avqustun 2-dək Azərbaycan Respublikasının ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların vərəsələrinə bu Fərmanla müəyyənləşdirilmiş qaydada 11.000 (on bir min) manat məbləğində birdəfəlik ödəmə verilməsi nəzərdə tutulub. Və artıq bu ödmələrə start verilib.
Kənan Eynuroğlu
