Sumqayıt şəhərində yol-nəqliyyat hadisəsi baş verib.
ONA-nın yerli bürosunun məlumatına görə, qəza şəhərin Sülh küçəsində qeydə alınıb. "Hyundai” markalı avtomobil şirkətlərdən birinə məxsus yük avtomobili və daha sonra 9 nömrəli marşrut avtobusu ilə toqquşub.
Zərbənin gücündən "Hyundai” markalı avtomobil tamamilə yarasız hala düşüb. Minik avtomobilində olan 2 nəfər ağır bədən xəsarətləri alaraq xəstəxanaya aparılıb.
Qəza nəticəsində Sumqayıtın əsas girişində tıxac yaranıb. Yol polisinin müdaxiləsindən sonra nəqliyyatın hərəkəti bərpa olunub.
Faktla bağlı araşdırma aparılır.
