İstanbulun Taksim meydanında yeni toqquşmalar başlayıb.
ANS PRESS-in məlumatına görə, etiraz aksiyaları 2013-cü ilin mayında Taksim meydanında baş vermiş kütləvi etirazların ildönümü ilə əlaqədar keçirilir. Toqquşmalar Ankarada, Adanada və bir sıra başqa şəhərlərdə də baş verib.
İstanbulda asayiş keşikçiləri Taksim meydanı yaxınlığında minlərlə etirazçının qatıldığı aksiyanı gözyaşardıcı qaz və su şırnaqlarından istifadə edərək dağıdıb.
Saxlanılan və xəsarət alanlar barədə məlumat verilmir.
Baş nazir Rəcəb Tayip Ərdoğan bundan əvvəl Taksim meydanında kütləvi etirazların ildönümü ilə əlaqədar aksiyaların keçirilməsinə qoyulan qadağanı pozmağa cəhd edənlərin saxlanılacağını bildirib.
Qeyd edək ki, Gəzi hadisələrinin birinci ildönümü təkcə Türkiyədə deyil xarici mətbuatın da diqqətindədir. Beynəlxalq mətbuat agentliklərinin diqqətini hadisələrin ildönümündə meydanda olan polisin coxlüğü çəkib. Avropa mətbuatı "Türk polisi üçün səfərbərlik elan edildi" manşetini verib.
Almaniyanın "Spiegel” jurnalının internet saytında "Ərdoğan nəhəng təhlükəsizlik ordusunu hərəkətə keçirdi” başlıqlı Gəzi hadisələrinin ildönümündə yaşana biləcək hadisələrə qarşı İstanbulda təhlükəsizlik tədbirlərinin keçirildiyi qeyd olunur. Jurnal yazıb: "25 min təhlükəsizlik güvəlləri, 50 təzyiqli su maşını, zirehli maşını ilə Türkiyə baş naziri Ərdoğan Gəzi hadisələrinin birinci ildönümü etirazlarının qarşısını almaga çalışır".
CNN International "CNN müxbiri canlı yayında saxlanıldı. Türkyə polisi CNN müxbiri Ivan Vatsonun canlı yayım zamanı pasaportunu təqdim etməsini istədi" yazıb.
