"Vətəninə, xalqına qarşı "mübarizə” aparan, çirkab yaxmağa çalışan insanların məqsədi olur. İndi özləri etiraf edirlər ki, bunun kökündə pul məsələsi durur”.
Bunu "Sherg.az”a açıqlamasında millət vəkili Aydın Mirzəzadə deyib.
Deputat bildirib ki, söhbət kifayət qədər böyük məbləğdən gedir:
"Maliyyə uğrunda hər zaman pərdə arxası mübarizə gedir. Əlbəttə, bu işlə məşğul olanlar təkcə bir qrup şəxs deyil. Xaricdə Azərbaycana qarşı mübarizə aparan "həmyerlilərimizin” hamısı müəyyən mənbədən maliyyələşirlər. Onlar sərbəst şəkildə konfranslara gedir, telekanallara çıxırlar, sosial şəbəkələrdə qərəzli proyektləri həyata keçirirlər.
Bunların hamısının arxasında pul dayanır. Görünür, Azərbaycanın inkişafı xaricdəki bəzi dairələri razı salmır. Ona görə də ölkəmizin inkişafını, imicini gözdən salmağa, sarsıtmağa, cəmiyyətdə inamsızlıq sindromu yaratmağa çalışırlar. Lakin onların çirkin fəaliyyəti heç zaman nəticə verməyib və verə də bilməz. Deməli, ayrılan pullar faktiki olaraq göyə sovrulur”.
Milli Məclisin üzvü vurğulayıb ki, Azərbaycan vətəndaşı kiminsə şirin sözünə deyil, yalnız reallığa inanır:
"Ölkə vətəndaşları təhlükəsiz həyat sürürlər, manatın stabil olduğunu görürlər, məktəblərin, xəstəxanaların təmir edildiyni, cənab Prezidentin əhalinin sosial rifahını daha da yaxşılaşdırmaq üçün atdığı addımları bilirlər, regionda yeni-yeni iş yerlərinin yaradıldığının şahidi olurlar. Hamı Azərbaycanın beynəlxalq aləmdə nüfuz sahibi olduğunu yaxşı bilir.
Belə olan təqdirdə xaricdə kimlərinsə boş vədlərlə ictimaiyyəti aldatmaq cəhdləri uğursuz olacaq. Heç kim onlara inanmayacaq. Şübhəsiz, bundan sonra da Azərbaycana qarşı təhdidlər və təzyiqlər ediləcək. Amma bunların hamısı əbəsdir. Çünki onların Azərbaycanda sosial bazası, ictimai dəstəyi yoxdur. Azərbaycan vətəndaşı öz dövlətini, milliliyini və hakimiyyətini sevir və müdafiə edir”.
Qeyd edək ki, artıq bir neçə gündür ki xaricdə yaşayan və Azərbaycan dövlətinə qarşı ardıcıl şəkildə kampaniya aparan şəbəkənin aparıcı nümayəndələri bir birinı qarşı ifşaedici açıqlamalar verirlər. Açıqlamalar göstərir ki, özlırini demokratiya carçısı və ədalət tərəfdarı kimi qələmə verənlər, sözdə dövlət və millətin qayğısı ilə yaşadıqlarını bəyan edınlər əskində xarici anti-Azərbaycan dairələrin birbaşa nəzarəti altında və maliyyəsi ilə fıaliyyət göstərmiş, sifariş yerinə yetirmişlər. Onların əsas məqsədi daha çox qrant almaq və məbimsəmək olub. Bu məqsədlərə xidmət edənlər sadəcə xain və düşmən dəyirmanına su tökən ünsürlərdir.
İsmayıl
