Kimyəvi xınadan istifadə edən qadının əli qorxunc hala düşüb. Hadisə Hövsan qəsəbəsində baş verib. Xına məclisində əlinə xına yaxan gənc qadının dərisində allergik reaksiyalar baş qaldırıb. Nəticədə dəri yanıqlara bənzər fəsadlar şəklində tanınmaz hala düşüb.
Bu barədə məlumat Cebhe.info-ya etibarlı mənbədən daxil olub.
Məlumat verən mənbə bildirir ki, qadın xəstəxanaya müraciət edib və hazırda ona tibbi yardımlar edilir. Ehtimal olunur ki, qadının orqanizmi allergiyaya meyilli olduğundan bu hal baş verib.
Məlumat üçün qeyd edək ki, zaman-zaman mətbutda və ictimaiyyətdə kimyəvi xınanın tərkibində olan maddələrin zərərli olmasından danışılıb. Hansı ki, bu maddələr birbaşa dəriyə və orqanizmdə ciddi təhlükə yaradır. Mütəxəssislər təbii xınadan istifadəni məsləhət görürlər. Çünki təbii xınanın tərkibində əlavə maddələr yoxdur.
Azərbaycanda daha çox kimyəvi xınadan toy, nişan və ziyafətlərdə, eləcə də gözəllik salonlarında geniş istifadə edilir.
