Azərbaycanda yeni ildə doğulan ilk körpənin adı məlum olub.
APA-nın Mingəçevir bürosunun məlumatına görə, 2021-ci ilin ilk günündə ölkədə doğulan ilk körpə kimi qeydə alınan qız uşağı Goranboy rayonunun Zeyrə kəndinin sakinidir.
Kənd sakini Elşən Qədimovun ailəsində dünyaya göz açan körpə ailənin ikinci övladıdır. Artıq doğmaları ona ad da seçib. İlin ilk körpəsinin adı Ruhangizdir.
Məlumata görə, Ruhangiz Qədimovanın və anasının vəziyyəti normaldır.
Qeyd edək ki, yeni ilin ilk doğumu saat 00:01-də Goranboy Rayon Mərkəzi Xəstəxanasında qeydə alınıb. Körpənin çəkisi 3 kq 300 qramdır.