Sivasda yaşayan 98 yaşlı Kaya Bulut yarım əsr əvvəl aldığı maşını satmağa qıymayıb... Bulut 48 illik avtomobilini 15 ilə yaxındır qarajda saxlayır. Avtomobilini təmir etdirib yenidən səyahətə çıxmağı xəyal edən Bulut, ölümündən sonra cənazəsinin bu maşında daşınmasını arzulayıb.
Sherg.az xəbər verir ki, 15 il əvvəl təqaüdə çıxdıqdan sonra avtomobilini qarajında saxlayan Bulut indi onu təzələyib yenidən yola çıxmağı xəyal edir.
Ölümündən sonra cənazəsinin bu maşınla daşınmasını vəsiyyət edən Bulut, “Bu maşınla çörək bişirmək üçün bir çox əyalətə getdim. Ən əsası həcc ziyarətinə getdim. İndi bu maşını yenidən işə salmaq istəyirəm” deyib.
Avtomobili ilə 4 günlük yoldan sonra Həcc ziyarətinə getdiyini bildirən 98 yaşlı Bulut sözünə əlavə edir: “Bu maşını 1976-cı ildə almışam. Bütün maşınlardan daha gözəl idi. Xaricdən almışam. Bu maşınla çörək bişirmək üçün bir çox əyalətlərə getmişəm. 1977-ci ildə Həcc ziyarətinə getmişdim. Anamı və dayımı da götürdüm. Bu maşınla dörd günə həcc ziyarətinə çatdım. Maşını satmaq istəmirəm. Qaraja qoymuşuq, 15 ilə yaxındır oradadır. Yenidən idarə etmək istəyirəm".
“Atam bu maşını heç vaxt satmaq istəmir, təmir edib yenidən sürəcəyini söyləyir" deyən oğlu Nevzat Bulut bunları əlavə edir:“48 ildir bu avtomobil bizdədir. 15 ilə yaxındır ki, burada qarajda qalıb. Hətta onun dövlət nömrə nişanı hələ də üstündədir. Yoldan keçən hər kəs təəccüblənir və soruşur. Atam heç vaxt satmır. Deyir ki, mən bu işi görüb yenidən işlədəcəm. Onun belə bir həvəsi var. Hazırda onun 98 yaşı var. Hələ də deyir ki, maşını işə salıb, minib dolaşacaq. Bizə vəsiyyət etdi ki, "ölsəm məni bu maşınla aparın". Bu maşın işə düşməsə də, deyir, at arabasının arxasına bağla, meyitimi bu maşına qoy, məni bu maşınla lojaya apar. Atam çörəkçi idi. Türkiyənin hər yerində çörək sexləri tikdirdi. Həmin çörəkxanaların bütün materiallarını bu maşında daşıyırdı. Bu avtomobil əsl veterandır".
