Dünyada havanın çirklənməsini ölçən Hava Keyfiyyəti Həyat İndeksi (AQI) adlı qurum yeni hesabat yayıb. Hesabatda hava çirkliliyinin vərəm və malyariyadan daha çox ölümə səbəb olduğu açıqlanıb.
“Sherg.az” “Ntv.com”a istinadən xəbər verir ki, araşdırmanı aparan elm adamları çirklənmiş hava hissəciklərinin siqaretdən, hətta müharibədən daha çox təsirə malik olduğunu, bir insanın ömrünü orta hesabla 2.2 il qısaltdığını bildiriblər.
Hava çirkliliyinin günü -gündən pisləşdiyi qeyd olunan hesabatda artan meşə yanğınlarının oksigen səviyyəsini azaltdığı və yaratdığı yüksək temperaturlarla iqlim böhranını pisləşdirdiyi vurğulanıb. Tədqiqatçılar xüsusilə də kömürün yandırılmasının problemi daha da ağırlaşdırdığını söyləyiblər.
