Dövlət Statistika Komitəsinin 2025-ci ilə aid statistikasına əsasən, elmi işçilər arasında qadınların payı 60%-dən çoxdur.
Teleqraf xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva “Güclü cəmiyyətin zərif simaları” layihəsinin yekun konfransında deyib.
O bildirib ki, ali təhsil müəssisələrinin tələbələri arasında qadınların iştirakçılıq payı 50%-dən çoxdur.
A. Sofiyevanın sözlərinə görə, məşğul əhali arasında qadınların payı 48,1%-dir:
"Digər sahələrdə, o cümlədən də qeyri-ənənəvi sahələrdə qadınların iştirakçılığının ildən-ilə artdığını görürük. Bu, dövlətin bu istiqamətdə apardığı siyasətin nəticələridir. Rəqəmlər bir daha göstərir ki, inkişaf addımları sürətlə gedir".
