Qarabağ ətafında cərəyan edən siyasi proseslər davam edir. Heç kimə sirr deyil ki, düşmən çirkin planlarından əl çəkməyib. Ona görə də hər cür təxribata, hücuma hazır olmalıyıq. Əslində qalxanımız da var- “İsgəndər-M” raketi. Düşmən vaxtında bilməli idi ki, biz onun bu düşünülməmiş addımından, daha doğrusu, səhvindən sonadək istifadə edəcəyik və etməliyik.
MCP sədrinin müavini, politoloq Məhəmməd Əsədullazadə “Sherg.az”a açıqlamasında dedi ki, sözügedən məsələyə necə yanaşmağımız daha çox Rusiyanın manevrlərindən asılı olacaq:
“Əvvəllər Moskvanın, həqiqətən, vasitəçiliyindən əmin olduğumuza görə bu məsələni ciddi qabartmırdıq. İndiki halda da məsələnin üstünə çox düşəcəyimizə inanmıram.
Çünki bu, Kreml ilə diplomatik skandala səbəb ola bilər. Lakin təzyiqlər göz qabağındadır. Rusiya daha da üstümüzə gəlsə, məsələ hətta prezidentlər səviyyəsində müzakirə edilməlidir.
Moskva qarşısında güc görsə, geri çəkiləcək. Biz “İsgəndər- M” məsələsini gündəmə gətirməklə təxribatları neytrallaşdıra bilərik.
Özü də təkcə Şuşaya yox, həm də Bakıya atılan raketi yenidən ictimailəşdirməliyik”.
