Ermənistan Respublika Partiyasının parlament fraksiyası (“Şərəfim var”) hakimiyyətin dəyişdirilməsi və siyasi qüvvələri bunun ətrafında birləşdirməyin praktiki yolları ilə bağlı dinləmələr keçirib.
Teleqraf xəbər verir ki, bu barədə “Hraparak” qəzeti məlumat yayıb.
Nəşr yazıb ki, Serj Sərkisyanın komandası Baş nazir Nikol Paşinyanı impiçment etmək üçün daxili siyasi problemlərin həllini görürlər:
“Amma komanda müzakirə apararaq qərara gəlib ki, dinləmələrin gündəliyi və başlığı yalnız müzakirə mövzusu ilə məhdudlaşmasın. Onlar hesab edirlər ki, impiçmentə nail olmaq üçün daxili siyasi vəziyyət və parlamentdəki müxalif həmkarlarla münasibətlər normallaşmalıdır.
“Şərəfim var” fraksiyasının fikrincə, (Robert Köçəryanın) “Ermənistan” bloku ilə ortaq anlaşma əldə etmək, prosesləri birgə həyata keçirmək şansı hələ də var. Dinləmələrin necə davam edəcəyi və tərəfdaşların orada iştirak edib-etməyəcəyi hələlik bəlli deyil.
Dinləmələrin təşəbbüskarları parlament və parlamentdənkənar müxalifət qüvvələrini, vətəndaş cəmiyyəti nümayəndələrini, ziyalıları, ictimai rəyə təsir edən şəxsləri dəvət edəcəklər”.
Xatırladaq ki, Serj Sərkisyan ötən həftə Nikol Paşinyanı devirməyin iki yolunun olduğunu söyləmişdi. Onun sözlərinə görə, Paşinyan ya kütləvi iğtişaşlar zamanı qətletmə yolu ilə aradan götürülməli, ya da parlament tərəfindən impiçment edilməlidir.
