Gürcüstanda yerli özünüidarəetmə orqanlarına bu gün keçirilmiş seçkilərin ikinci mərhələsində seçici fəallığı 49,09 % təşkil edib.
“Report”un yerli bürosu xəbər verir ki, bu barədə ölkənin Mərkəzi Seçki Komissiyasından bildirilib.
Məlumata əsasən, Gürcüstan üzrə 1 025 406 seçici səsvermə hüququndan istifadə edib.
Tbilisidə isə seçicilərin fəallığı 47,7 % olub.
Qeyd edək ki, seçkilərin ilk turu oktyabrın 2-də baş tutub və seçici fəallığı 51,92 %-ə bərabər olub.
