İranın Təbriz-Zəncan magistral yolunda sərnişin avtobusunun aşması nəticəsində 3 nəfər ölüb, 16 nəfər yaralanıb.
Trend-in məlumatına görə, bunu İranın Zəncan yol polisinin rəis müavini polkovnik Mehdi Minaxani deyib.
M.Minaxaninin sözlərinə görə, Türkiyədən qayıdan alpinistləri Tehrana gətirən avtobusun sürücüsü və iki qadın həlak olub. Yaralananlardan 6-sı qadın, 10-u isə kişidir.
Minaxani deyib ki, hadisə sürücünün yuxulu olması nəticəsində baş verib.