Hakan Fidan Misirdə səfərdədir

APA-nın İstanbul müxbirinin verdiyi xəbərə görə, bu barədə “NTV“ kanalı məlumat yayıb.

H. Fidanın Misirə səfəri bu ölkənin XİN rəhbər Semih Şükrinin dəvəti əsasında baş tutub. İki nazir görüşləri zamanı bölgədə baş verən hadisələri, o cümlədən, İsrail və Fələstin münaqişəsini müzakirə edəcəklər.

Qeyd edək ki, daha əvvəl Türkiyə Prezidenti Rəcəb Tayyib Ərdoğanın tapşırığı əsasında Qəzzaya göndəriləcək humanitar yardım da Misirə çatıb.