İsrailin Qəzzada həyata keçirdiyi hücumlar nəticəsində cənubdan məcburi köçkün düşən on minlərlə fələstinlinin şimaldakı torpaqlarına qayıtması bu gün səhər saatlarından başlayıb.
Sherg.az xəbər verir ki, Qəzzanın cənubuna köçmək məcburiyyətində qalan fələstinli geri dönmə icazəsi aldıqdan sonra şimala qayıdıb və aylar sonra anasına qovuşub.
İsrailin yerli vaxtla səhər saat 07:00-da (Türkiyə vaxtı ilə 08:00) Qəzza zolağının şimalı ilə cənubunu ayıran Netzarim dəhlizindən fələstinlilərə keçməsinə icazə verəcəyini elan etdikdən sonra minlərlə fələstinli Rəşid küçəsi ilə şimala doğru getməyə başladılar.İcazə verildikdən sonra on minlərlə fələstinli Qəzzanın şimalına keçib. Qəzzalıların şimal bölgələrindəki torpaqlarına qayıtması davam edir.
