Yunanıstanın Santorini adasında günlərdir davam edən zəlzələlərdən sonra fövqəladə vəziyyət elan edilib.
Sherg.az BBC-yə istinadən xəbr verir ki, qərar çərşənbə günü yerli vaxtla saat 21:09-da (GMT 19:09) Yunanıstanın Amorgos və Santorini adaları arasında qeydə alınan 5,2 bal gücündə zəlzələdən sonra verilib ki, bu da son günlərin ən güclüsü olub. Zəlzələnin 5 km dərinlikdə baş verdiyi təxmin edilir.
Səlahiyyətlilər qərarın fövqəladə ehtiyacları həll etmək və nəticələrini idarə etmək üçün martın 3-dək qüvvədə olacağını bildiriblər.
Qeyd edək ki, artıq 11.000-dən çox insan Santorinini tərk edib, təxminən 7.000-i bərə, 4.000-i isə hava yolu ilə bölgəni tərk edib.
