Hazırda şərhçilik edən keçmiş futbolçu Nihat Kahveci və həyat yoldaşı Fulya Sever Kahveci bir YouTube proqramına qonaq olublar.
2018-ci ildə evlənən və iki qız övladına sahib olan məşhur cütlük münasibətləri haqqında açıqlamalar verib.
Sherg.az xəbər verir ki, Fulya Sever Kahveci ərilə necə tanış olduqlarını danışaraq illər sonra bir etiraf edib. Fulya Sever Kahveci, Nihat Kahvecini futbolçu olduğu illərdən tanıdığını deyərək bildirib:
"Heç vaxt bir futbolçu ilə evlənmərəm deyirdim. Çünki bu çox streslidir. Əmim də bir müddət klub idarəçiliyi edib. Xoşbəxtlikdən, Nihatla tanış olannda artıq futbolu buraxmışdı."
Həyat yoldaşına olan sevgisindən danışan Nihat Kahveci isə belə deyib:
"Həyatımın hər anında Fulya var."
Keçmiş futbolçu sözlərinə belə davam edib:
"Fulyayla hər mövzuda danışa bilirəm; futbol, siyasət, qida, tibb, tarix... İnanılmaz bir ümumi mədəniyyəti var."
