Türkiyə Prezidenti Rəcəb Tayyib Ərdoğan Rusiya və Ukrayna nümayəndə heyətləri arasında iyunun 2-də İstanbulda keçirilən danışıqları münaqişənin həlli üçün tarixi addım adlandırıb.
Teleqraf xəbər verir ki, o, bu barədə Qurban bayramı münasibətilə xalqa videomüraciətində deyib.
“İyunun 2-də İstanbulda keçirilən görüş şimalımızda 4-cü ilinə qədəm qoyan qanlı müharibəyə son qoyulması istiqamətində atılan tarixi addım idi. Qonşumuz Suriyada yeni administrasiyanın ölkənin milli birliyi, ərazi bütövlüyü və davamlı inkişafı uğrunda apardığı mübarizəni yüksək qiymətləndiririk. İnanırıq ki, bölgədəki bütün qardaş ölkələrin dəstəyi ilə Suriya daimi sülhə nail olacaq və əvvəlki hüzurlu günlərinə qayıdacaq”, - Ərdoğan bildirib.
Prezident qeyd edib ki, Türkiyə Fələstindəki soyqırımın dayandırılması və Rusiya-Ukrayna müharibəsinin ədalətli sülhlə sona çatması üçün əlindən gələni edir.
