ABŞ Prezidenti Donald Tramp Amerika Silahlı Qüvvələri Venesuelada narkokartellərlə əlaqəli qurulara qarşı quru əməliyyatları keçirmək imkanını araşdırdığını bildirib.
Teleqraf xəbər verir ki, Tramp bu barədə Ağ Evdə FTB direktoru Keş Patel ilə birgə mətbuat konfransında danışıb.
Onun sözlərinə görə, hazırda dəniz əraziləri əsasən ABŞ nəzarətindədir, buna görə də zərbələrin quru obyektlərinə yönəldilməsi ehtimalı müzakirə olunur.
Bundan əvvəl The New York Times nəşri hökumət mənbələrinə istinadla xəbər vermişdi ki, Ağ Ev Mərkəzi Kəşfiyyat İdarəsinə (MKİ) Venesuelada gizli əməliyyatlar keçirməyə icazə verib. Bu addım ölkə lideri Nikolas Maduraya təzyiqi artırmaq kampaniyasının bir hissəsi kimi qiymətləndirilir.
