Avropa İttifaqı ölkələri hər il idxal etdikləri ərzaqların beşdə birini israf edirlər. "Sherg.az" "trthaber"ə istinadən xəbər verir ki, Avropa Birliyi ölkələri 2021-ci ildə kənd təsərrüfatı məhsulları üçün 150 milyard avro ödədiyi halda, həmin il 153,5 milyon ton ərzaq israf edib.
Digər tərəfdən, AB-də qida istehsalının beşdə biri istehlak edilmədən boş yerə gedib. Buna görə də hər il təxminən 143 milyard avro boşuna xərclənib. Avropa ölkələrində ətraf mühitin mühafizəsi sahəsində fəaliyyət göstərən qeyri-hökumət təşkilatlarının birgə şəbəkəsi olan "Avropa Ətraf Mühit Bürosu" qida istehsalı və istehlakı ilə bağlı hesabatı ictimaiyyətlə bölüşüb .
Müvafiq olaraq, Aİ ölkələri 2021-ci ildə 138 milyon ton kənd təsərrüfatı məhsulları idxal edib. Bu məhsullara görə 150 milyard avro ödənilib. Həmin il 153,5 milyon ton ərzaq zibilliyə atılıb. İsraf edilən qidalara misal olaraq buğda göstərilib. Bildirilib ki, AB tərəfindən israf edilən buğdanın miqdarı Ukraynanın buğda ixracının təxminən yarısı, Aİ-nin digər taxıl ixracatının isə dörddə birini təşkil edir.
AB-də hər 5 qida istehsalından 1-i istehlak edilmədən israfa gedir. Bu miqdarda qidanın atılmasının ümumi istixana qazı emissiyalarının 6 faizinin mənbəyi olduğu da bildirilib. Ətraf mühit təşkilatları AB ölkələrinə etdikləri çağırışda 2030-cu ilə qədər zibil qutusuna atılan qidaların miqdarını yarıya qədər azaltmaq üçün məcburi qaydalar tətbiq edilməsini və AB Komissiyasının bu mövzuda dünyada ilk olacaq qanun təklifi hazırlamasını tələb ediblər.
Aİ Komissiyasının ilin sonuna kimi bununla bağlı məcburi hədəflər qoyacağı gözlənilir. Bu qaydaların Avropa Parlamenti və Aİ Şurası tərəfindən müzakirə edildikdən sonra 2023-cü ildə qəbul edilməsi hədəflənib .
