Rusiyada çoxmənzilli binaların (MMB) dayanacaqlarında elektrik avtomobilləri üçün şarj qurğularının qonşuların razılığı olmadan quraşdırılmasına icazə verilməsi təklif olunur.
Elektrik doldurma stansiyalarının istehsalçıları və operatorları assosiasiyası ev üçün nəzərdə tutulan şarj stansiyalarının əsas kommunal xidmətlərə bərabər tutulmasını təklif edib. Bu halda elektromobil sahibləri şarj qurğularını bina sakinlərinin ümumi yığıncağının əvvəlcədən razılığı olmadan quraşdıra biləcəklər.
Təklif 2026–2030-cu illər üçün hazırlanmış yol xəritəsinə daxil edilib. Təşəbbüs müəllifləri mövcud bürokratik maneələrin və idarəedici şirkətlərin şarj stansiyalarının quraşdırılmasını çətinləşdirdiyini bildirirlər.
Eyni zamanda, ekspertlər elektrik şəbəkələrinin yüklənməsi və qapalı dayanacaqlarda yanğın təhlükəsizliyi ilə bağlı risklərdən narahatdırlar. Təşəbbüsü dəstəkləyənlər isə qaydaların sadələşdirilməsinin Rusiyada elektrik nəqliyyatının inkişafına ciddi təkan verəcəyini düşünürlər.
