Estoniya Rusiya ilə gömrük əməkdaşlığına dair ikitərəfli sazişi ləğv etmək qərarına gəlib.
1997-ci ildə imzalanmış bu sazişin ləğvi ilə bağlı qərarı Estoniya hökuməti qəbul edib.
Estoniya xarici işlər naziri Urmas Reinsalu bunun Estoniya ilə Rusiya arasında münasibətlərin minimuma endirilməsi istiqamətində mühüm addım olduğunu vurğulayıb.
Qeyd olunur ki, müqavilə ləğv edildikdən sonra daha altı ay qüvvədə olacaq.
Qaydalara əsasən, ikitərəfli müqavilənin tərəflərindən hər hansı biri yazılı bildirişlə müqaviləni ləğv edə bilər.
Mənbə: UNİAN
