“İran və bölgədəki proksi qrupları raket və dronlarla İordaniyanı hədəfə alaraq, ölkənin və vətəndaşlarının təhlükəsizliyinə təhdid yaradırlar”.
Teleqraf xəbər verir ki, bunu İordaniya Senatının sədri Feysəl əl-Fayez deyib.
Spiker İranın İordaniya və körfəz ölkələrinə hücumlarını pisləyərək bildirib:
“İordaniya öz ərazisinin regional qarşıdurmalar meydanına və ya digər ölkələrə hücum üçün istifadə olunmasına icazə verməyəcək”.
Əl-Fayez beynəlxalq ictimaiyyəti Tehranın hücumlarının qarşısını almaq üçün tədbir görməyə çağıraraq, İordaniyanın təhlükəsizliyinin körfəz ölkələrinin təhlükəsizliyindən ayrılmaz olduğunu vurğulayıb.
O xəbərdarlıq edib ki, İordaniyaya qarşı istənilən təhdid bütün regionun sabitliyinə təsir göstərəcək.
