Prezident Emmanuel Makron İsrailin Baş naziri Binyamin Netanyahunun Fransada antisemitizmin artması ilə bağlı son tənqidini qətiyyətlə rədd edib.
Sherg.az Teleqraf-a istinadən xəbər verir ki, Makron İsrail liderinə məktubunda bu məsələnin silaha çevrilməməli olduğu barədə xəbərdarlıq edib.
“Var gücümüzlə mübarizə apardığımız bu fəlakət qarşısında hərəkətsizlikdə ittiham olunmaq qəbuledilməz və ümumilikdə Fransa üçün təhqirdir. Antisemitizmlə mübarizə silaha çevrilməməli və İsrail ilə Fransa arasında heç bir fikir ayrılığını qızışdırmayacaq", - Makron yazıb.
Makron Netanyahunu Qəzza zolağında aparılan müharibəni dayandırmağa çağırıb.
