Parisdəki Respublika Meydanında orta məktəb və universitet tələbələrinin keçirdiyi etiraz aksiyasında bir neçə min insan iştirak edir.
Teleqraf xəbər verir ki, bu barədə Fransa mediası məlumat yayıb.
Etirazçılar hökumətdən hərbi xərcləri artırmaq əvəzinə təhsilə daha çox vəsait ayırmağı tələb edirlər. Bir çoxları əllərində "Artıq müharibə üçün pul yoxdur! Səhmdarlar üçün yox, maaşlar üçün pul!" yazılı plakatlar tutublar.
Qeyd edək ki, orta məktəb şagirdlərinin etirazları sentyabrın sonlarında paytaxtın İl-de-Frans bölgəsində başlayıb və bütün Fransaya yayılıb . İştirakçılar həddindən artıq çox dərs cədvəlinə, müəllim çatışmazlığına və təhsil sistemindəki digər problemlərə etiraz edirlər. Bəzi yerlərdə etirazlar iğtişaşlara və polislə toqquşmalara çevrilib. O vaxtdan bəri hüquq-mühafizə orqanları 6000-dən çox şəxsi həbs edib ki, bunların 90%-i yetkinlik yaşına çatmayanlar olub.
