İranın sonuncu şahı Məhəmməd Rza Pəhləvinin nəvəsi İman Pəhləvi yəhudi əsilli amerikalı Bredli Şermanla ailə həyatı qurub.
Axar.az xəbər verir ki, bu barədə “Kayhan” nəşri məlumat yayıb.
Məlumata görə, ötən ay Nyu Yorkda baş tutan nikah mərasimindən sonra Parisdə toy mərasimi keçirilib.
Toyda bir sıra məşhurlar və İmanın nənəsi Fərəh Pəhləvi də iştirak edib.
Qeyd edək ki, 1993-cü ildə Vaşinqtonda anadan olan İman şahzadə Rza Pəhləvi ilə Yasmin Pəhləvinin ikinci qızıdır. O, Miçiqan Universitetində rabitə və psixologiya üzrə dərəcə alıb və hazırda “American Express”də baş menecer kimi fəaliyyət göstərir.
İmanın həyat yoldaşı Bredli informasiya texnologiyaları və texnoloji innovasiyalar üzrə ixtisaslaşmış “Luchy” şirkətinin baş direktorudur.
