Prezident seçkilərində Məsud Pezeşkianın rəqibi olan Tehran meri Əlirza Zəkaninin korrupsiya faktları üzə çıxıb.
Axar.az xəbər verir ki, bu barədə sosial media kanallarında paylaşımlar edilib.
Bildirilib ki, Əlirza Zəkani bir neçə avtobus və elektriklə işləyən avtomobil almaq üçün Çin hökumətinə 2 milyard dollar pul ödəyib.
“Zəkaninin ödədiyi məbləğin 1 milyardı ilə Çin Türkiyədə avtomobil istehsalı zavodu təsis edib. Soruşuruq ki, niyə bir neçə avtobus və avtomobilə görə iki zavodun pulunu ödəyibsiniz? Deyirlər, gizli məlumatdır”, - tanınmış media fəalı Məhəmməd Parsi yazıb.
Qeyd edək ki, bir neçə gün əvvəl Əlirza Zəkaninin işdən qovulması tələbi ilə kampaniya başladılıb və on minlərlə tehranlı petisiyanı imzalayıb.
