Rusiya ilə tərəfdaşlıq münasibətlərinin bərpası mümkündür. Lakin bu, yalnız Rusiya-Ukrayna müharibəsi bitdikdən sonra baş verə bilər.
Axar.az xəbər verir ki, bunu Çexiya Prezidenti Petr Pavel deyib.
Pavel qeyd edib ki, Rusiya Ukrayna ilə atəşkəs və sülh sazişi üzrə danışıqlarda iştirak etməlidir. O, əmin edib ki, bu, davamlı sülhə nail olmağın yeganə yoludur.
Pavel əlavə edib ki, bundan sonra Ukraynanın bərpasına, eləcə də Rusiyanın Avropanın təhlükəsizliyi məsələlərində iştiraka tədricən qayıtmasına və Moskva ilə işgüzar əlaqələrin bərpasına başlamaq mümkün olacaq.
