Rusiya prezidenti Vladimir Putinlə danışıqlar zamanı nüvə tərksilahı məsələsini müzakirə etmişəm.
Ölkə.az xəbər verir ki, bunu ABŞ prezidenti Donald Tramp deyib.
Tramp vurğulayıb ki, nüvə tərksilahı məsələsi onun Putinlə danışıqlarının əsas istiqamətlərindən biridir.
"Rusiya və Çinlə etməyə çalışdığımız işlərdən biri nüvəsizləşdirmədir. Bu, çox vacibdir. Mən bunu prezident Putinlə müzakirə etmişəm, təkcə bu deyil. Məncə, nüvəsizləşdirmə çox böyük oyundur. Amma Rusiya buna hazırdır və məncə, Çin də hazır olacaq. Biz nüvə silahlarının yayılmasına imkan verə bilmərik. Biz nüvə silahlarını dayandırmalıyıq", - Tramp qeyd edib.
