ABŞ Prezidenti Donald Tramp sahibkar İlon Maskın Ağ Evdə narkotikdən istifadə etmədiyinə ümidli olduğunu bildirib.
Oxu.Az xəbər veri ki, o, bu barədə "Forbes Breaking News"a verdiyi müsahibəsində bildirib.
"Həqiqətən bilmirəm. Belə olduğunu düşünmürəm. Ümid edirəm ki, yox. Ona hər şeyin ən yaxşısını arzulayıram. Başa düşürsünüz, bizim yaxşı münasibətlərimiz var idi", - deyə Tramp məsələ ilə bağlı sualı cavablandırıb.
Trampa ünvanlanan bu sual iyunun 6-da "The New York Times" qəzetində dərc olunan məqaləyə görə verilib. Qəzetdə qeyd olunurdu ki, Tramp Maskın davranışının narkotik istifadəsi ilə bağlı ola biləcəyini deyib.
Xatırladaq ki, Mask və Tramp arasında münaqişə milyarderin prezidentin qanun layihəsi təşəbbüsünü açıq şəkildə tənqid etməsindən və bunu büdcə üçün təhlükə adlandırmasından sonra başlayıb. Buna cavab olaraq Tramp Maskı dəli adlandırıb və şirkətlərinin hökumətlə müqavilələrini yenidən nəzərdən keçirməklə hədələyib.
