Türkiyənin İzmir, Manisa, Bursa, Balıkesir və Kütahya şəhərlərinin ərazisində meşə yanğınları davam etməkdədir.
Axar.az Türkiyə mediasına istinadən xəbər verir ki, yanğında havadan və qurudan müdaxilə edilir.
Bildirilib ki, İzmirin Bergama ilçəsindəki yanğını söndürmək üçün yola çıxan qrup yolda qəzaya düşüb. Hadisə nəticəsində 1 nəfər ölüb, 2-i xəsarət alıb.
Məlumata görə, İzmirdə baş verən yanğının Adnan Menderes adına Hava Limanı yaxınlığında olması uçuşların qrafikinə təsirini göstərib, ləngimələr qeydə alınıb.
